നേരംകൊല്ലി

ഞാന്‍ ഒരു ബോറനാണോ എന്ന് പലപ്പോഴും എനിക്ക് തോന്നിയിട്ടുണ്ട് കാരണം എനിക്ക് തന്നെ എന്നെ ചില നേരം ഇഷ്ടപ്പെടില്ല. അങ്ങനെ പറയുമ്പോള്‍ നിങ്ങള്‍ കരുതും എനിക്ക് വട്ടാണോ എന്ന്, ഹ ഹ, അതെ എനിക്ക് വട്ടാണ്. വെറുതെ ഇരിക്കുമ്പോള്‍ ഓരോരോ വക്ര ചിന്തകള്‍ എന്റെ മനസ്സില്‍ വരും. കോളേജില്‍ പഠിക്കുന്ന കാലത്ത് ഞാനും എന്റെ സുഹൃത്ത്‌ കലിപ്പും (അരുണ്‍ കാലിഫ് എന്നാണ് അവന്റെ ശരിക്കുള്ള പേര്, വിളിക്കാന്‍ സൗകര്യത്തിനു കലിപ്പ് എന്ന് ആക്കിയതാ ഞങ്ങള്‍ കൂട്ടുകാര്‍ ) ചേര്‍ന്ന് പല മഹത് ചിന്തകളും പ്രബന്ധങ്ങളും ഉണ്ടാക്കിയിരുന്നു. അതിനൊക്കെ കൃത്യമായ പ്രതികരണങ്ങളും കിട്ടിയിട്ടുണ്ട്, മനാസിലായിക്കാണുമല്ലോ.. :)

അങ്ങനെ ഇരുന്നപ്പോഴാണ് ഇപ്പോള്‍ എന്റെ മനസ്സില്‍ ഒരു കാര്യം തോന്നിയത്, ജന്നലില്‍ എന്ത് കൊണ്ട് പൊടി പിടിക്കുന്നു, ആ പൊടിയിലൂടെ എന്തിനു കുഞ്ഞുറുമ്പുകള്‍ ഓടി നടക്കുന്നു, ആ കുഞ്ഞുറുമ്പുകള്‍ എങ്ങോട്ടാണ് ഇത്ര തിടുക്കത്തില്‍ പായുന്നത്, എന്തിനു വേണ്ടി ? കുറെ നേരം അത് തന്നെ നോക്കി ഇരുന്നു, ഇപ്പോള്‍ എനിക്ക് ഉത്തരം കിട്ടി... എന്റെ മനസ്സ് തെളിഞ്ഞു... തെളിഞ്ഞ ആകാശം പോലെ, കണ്ണാടി പോലെ, സ്ഫടികം പോലെ, കണ്ണുനീര്‍ പോലെ... തേങ്ങാക്കൊല.. എനിക്ക് ഉത്തരം കിട്ടി, അത്ര തന്നെ

അതായത്, ജന്നലില്‍ എന്ത് കൊണ്ട് പൊടി പിടിക്കുന്നു?

ഉത്തരം : ജന്നല്‍ തുടച്ചു വൃത്തിയായി വയ്ക്കാത്തതുകൊണ്ട് പൊടി പിടിക്കുന്നു

ചോദ്യം 2 : ആ പൊടിയിലൂടെ എന്തിനു കുഞ്ഞുറുമ്പുകള്‍ ഓടി നടക്കുന്നു?

ഉത്തരം : എങ്ങോട്ടെങ്കിലും ഒക്കെ പോകണം എന്ന് ഉറുമ്പിനും ആഗ്രഹം കാണില്ലേ, പാവം, പൊയ്ക്കോട്ടേ

ചോദ്യം 3 : ആ കുഞ്ഞുറുമ്പുകള്‍ എങ്ങോട്ടാണ് ഇത്ര തിടുക്കത്തില്‍ പായുന്നത്?

ഉത്തരം : ഫോളോ ചെയ്തു നോക്കി, അവറ്റകള്‍ കയറി പോകുന്ന ദ്വാരത്തിലേക്ക് എനിക്ക് കയറാന്‍ പറ്റാത്തതിനാല്‍ ആ ചോദ്യം ഞാന്‍ മായ്ച്ചു കളഞ്ഞു

ചോദ്യം 4 : എന്തിനു വേണ്ടി?

ഉത്തരം : വരി വരിയായി പോകുന്നത് കണ്ടിട്ട് ബിവറേജസ്സിലേക്ക് ആണെന്ന് എന്റെ മനസ്സ് പറയുന്നു, അഴുക്ക കുടിയന്മാര്‍... ത്ഫൂലെ ...!!!

ഇപ്പൊ മനസ്സിലായില്ലേ ഞാന്‍ ഒരു വട്ടനോ ബോറനോ ആകാന്‍ ഉള്ള എല്ലാ chance-ഉം ഉണ്ടെന്ന്‌... മുഹഹഹഹ...

ജോലി ചെയ്തു ബോര്‍ അടിക്കുമ്പോഴാണ് മിക്കവരും ഒന്ന് വെറുതെ ഇരിക്കുക ... ഞാന്‍ ദെ ഇന്ന് വെറുതെ ഇരുന്നു ബോറടിച്ചു ... വെറുതെ ഇരിക്കുന്നത് എനിക്ക് ഇഷ്ടമല്ല. എപ്പോഴും എന്തെങ്കിലും ചെയ്യണം, ഇല്ലെങ്കില്‍ നമ്മുടെ തലച്ചോര്‍ വീക്ക് ആകും. അത് അനുവദിക്കരുത്. ഒന്നും ചെയ്യാന്‍ തോന്നുന്നില്ലെങ്കില്‍ വെറുതെ ഇരുന്നു ഉറക്കം തൂങ്ങുക, ജോലിക്കിടയില്‍ ആയാലും ബോറടിച്ചാല്‍ ഒന്ന് മയങ്ങാം, provided നിങ്ങളുടെ മേലധികാരി നിങ്ങള്‍ ഉറക്കം തൂങ്ങുന്നത് കാണരുത്. വെറുതെ കഞ്ഞി കുടി സ്വയം നശിപ്പിക്കണ്ട. അതുകൊണ്ടാ പറഞ്ഞത് എപ്പോഴും എന്തെങ്കിലും ഒകെ കാട്ടികൂട്ടി നിങ്ങള്‍ ഭയങ്കര ബിസി ആണെന്ന് കാണിക്കണം. അങ്ങനെ ഉണ്ടായ സൃഷ്ടിയാണ് ഈ ബ്ലോഗും ഈ ബ്ലോഗ്പോസ്റ്റും.

യെവന്‍ ആരെടാ? വേറേ ഒരു പണിയും ഇല്ലേ ? എവിടുന്ന് കെട്ടിയെടുത്തു ഇതൊക്കെ ? ഇത്യാദി ചോദ്യങ്ങള്‍ക്കുള്ള ഉത്തരങ്ങള്‍ വരും ദിവസങ്ങളില്‍ പ്രതീക്ഷിക്കാം... എനിക്ക് തോന്നുമ്പോ ഞാന്‍ പോസ്റ്റും.. ഹല്ല പിന്നെ...!!